ودي أموت اليوم وأعيش باكر وأشوف منهو بعد موتي فقدني

................................... .....
ودي أموت اليوم وأعيش باكر وأشوف منهو بعد موتي فقدني >>>
................................... ............... ................................... ............... ............

ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!

ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي

وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني

ومِنْهو مِنْ أهلي ف العَزا كان حاضر
ومِنْهو دعى لي في " صلاته " ورحمني

ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني

ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟

ومِنْهو يرتِّب .. غرفتي .. / والدفاتر
وإن شاف ( صوره ) لي صاح وحضنِّي

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

خايفه يروح العُمْر .. وأكُونْ خاسره
وإن طار طيري .. ما يفيد / التمنِّي

وخايفه يجيني وقت : أكْسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني

الضيق وافي .. والحزن حيل وافر
والجرح أكثر شي .. شفته يحبني

عايشه وميِّته بين .. ماضي وحاضر
والصبر [ مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّه وحشني !!

( شاعرة ) ولكنِّي .. ماني ب شاعرة
ودِّي أموت اليوم .... وأرتاح منِّي !!

مشكووووووووووور يا غالي الله يعطيك العافية
واله انو مواضيعك روعة بجد الله يطيك العافية

تقبلو مروري احلى ساد

مشكوووووور كتير

بس انا ما بحب الاحزان لهدرجه